إزاي تختاري مدرسة لابنك؟

images (3)اختيار مدرسة لابنك يعتبر من أهم خطوات تكوين شخصيته، لأن دي أول خطوة بيقابل بيها العالم خارج إطار الأسرة، وبيكون بعيد عن ملاحظتك المباشرة، وعشان كدا لازم تعرفي إزاي تختاري مدرسة لابنك تساهم في تنميته بشكل إيجابي وميكونش أثرها سلبي على حياته.

عشان تختاري صح اسألي نفسك الخمس أسئلة التالية، عشان تعرفي تحددي أنت عايزة ايه بالضبط:

  • هل بتدوري على مدرسة مهتمة بالجانب الديني ولا أنت مهتمية بالجانب دا في المنزل؟
  • “السؤال دا مهم أكتر للناس اللي عايشة في دول أوروبية واللي عايزين ميفقدوش تواصلهم مع الجاليات العربية والمسلمين هناك”.
  • عايزة ابنك يدرس المنهج الحكومي العادي وعليه إضافي إنجليزي ولا عايزاه يتعلم بمنهج أجنبي وشايفة دا أهم لمستقبله ؟
  • إيه اللغة الثانية اللي عايزة ابنك يتعلمها ؟ “نصيحة اختاري لغة تقدري أنت وجوزك تتابعوا ابنكم  فيها “.
  • عايزة مدرسة بتهتم بجانب الانضباط والنظام ولا أنت قادرة على الاهتمام بالجانب دا وبتدوري على المدارس اللي بتهتم  بمهارات التفكير والإبداع ؟
  • هل بتدوري مدرسة قريبة من بيتك أو شغلك أو شغل جوزك أو من بيت الجدين إذا كان ممكن الأطفال يرجعوا من المدرسة على بيت والديكم ؟

خدي بالك الاسئلة دي مهمة جدًا وبتساهم في تحديد أنت عايزة تختاري ايه لابنك بس مش هي المعيار الوحيد في نقاط تانية لازم تاخدي بالك منها :

  • اختاري مدرسة مناسبة للوسط الاجتماعي اللي أنت عايشة فيه عشان ابنك ميحسش بفرق كبير عن زمايله حتى لو دا يعني إنه ميدخلش المدرسة الشهيرة والمرموقة جدًا اللي سمعتي عنها من قرايبك.
  • لازم تشوف مباني المدرسة اللي بتفكر تقدم لابنك فيها هل مبنى المدرسة مبني من أجل الدراسة ولا كان عمارة واتحولت لمدرسة بيكون الفرق واضح جدًا ومؤثر في مساحات الفصول وإضائتها وحتى سلامة الطفل.
  • لازم تسألي على عدد الطلاب في الفصل بالذات المراحل الصغيرة “حضانة وابتدائي” لأن كل لما العدد بيزيد التركيز على الطالب بيقل.
  • نظافة المدرسة وحمامتها وملاعبها وآمنة على الطلبة، وهل في مكان واسع للطلبة عشان الفسحة ولا لأ مهمة جدًا ولازم تروحي تبصي بنفسك عليها.
  • هتلاقي مدارس كتير منهجها شبه بعضه أو الاختلافات بسيطة جدًا بس لازم تبصي على جانب تاني مهم جدًا وهو جانب أنشطة المدرسة اللامنهجية زي دروس الموسيقى  وأكيد الرياضات المختلفة وتوفير ملاعب آمنة وواسعه عشانها وبرده الجانب الفني وتنميته، وحفظ القرآن.
  • اسألي أهالي طلبة في المدرسة عن عدة أشياء مهمة منها كمية الواجبات المدرسية وهل بيقوموا بدور المدرس في البيت ولا بيكونوا مجرد عون له، هل المدرسين بيصمموا يدوا الطلبة دروس ولا المدرسة محافظة على الأمانة وبتمنع كل دا؟.
  • بصي على الأدوات التعليمية في المدرسة هل آخر تطور وصلهم هو السبورة البيضاء والقلم ولا بيستخدموا الوسائل التكنولوجية الحديثة في التعليم وهل متوفر بالمدرسة غرفة نشاط علمي ومكتبة ووسائل توضيح لكافة المواد.
  • لازم  تسألي كويس جدًا عن الجانب السلوكي والأخلاقي  للمدرسة ومدى اهتمامها بالطلبة في الجانب دا.
  • عشان متلاقيش نفسك ادبستي في مصاريف فوق طاقتك لازم تسألي عن مصاريف المدرسة الصريحة والمخفية زي التبرعات ومصاريف الأنشطة والكتب والمواصلات ورحلات المدرسة بتكلف كام والزي وأي مصاريف ممكن متظهرش في الأول.
  • وأخيرًا دور على جروبات الفيس بوك للمدرسة اللي اخترتها وأغلب أولياء الأمور حاليا بيعملوا جروبات مشابهة، وادخل شوف الأهالي بيقولوا ايه وبيشتكوا من ايه واسألهم لو عايز تستعلم عن حاجة، وأكيد لازم تدوري على موقع المدرسة وتدخلي تتعرفي عليها من خلاله.
Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s