إسكندرية التاكسي وإسكندرية المشروع

images زي أي يوم عادي بتنزل من بيتك رايح الشغل رايح مشوار رايح تخلص حاجة هتركب مكروباص أو مشروع بلغتنا احنا بقى ..أسوأ حاجة إن المواصلات مبقتش زي زمان السواقين  بقوا أكثر قلة أدب ومعدش فيه مراعاة لوجود البنات والستات إلا من رحم ربي ..تلاقي السواق من دول عمال يسب الدين ويشتم في الركاب والشغل وطبعا السواقين اللي جنبه اللي دايما شايفهم مينفعش يسوقوا وأكيد السواق التاني هو كمان شايفه مش عارف يسوق .

في حاجات كتير بقت سيئة جدا في مشاريع إسكندرية غير ألفاظ السواقين  منها  تقطيع السكة ..السواقين بقو بياخدوا الأجرة تلت أربع مرات منك تيجي تروح تلاقيه بيقولك من كذا لكذا بجنيه ونص ومن كذا لكذا بجنيه  لحد ما تروح تلقيك دفعت خمسة ستة جنية بدل ما كنت بتدفع بالكتير أوي 2جنيه.

أو يجي يقولك أنا آخري كذا علشان رايح أجرش..وبعد ما تنزل تلقيه بيحمل باقي السكة بأجرة ثانية …ويقولك لو مش عاجبك متركبش ..وطبعا في سبيل إنك عاوز تروح خاصة لو راجع من شغلك أو وراك معاد مهم هتضطر تركب .

المشكلة بقى انك تلاقى كل واحد من دول واخد حقه ثالث ومتلت وتلاقي  معظم المشاريع كراسيها رايحة في داهية ولا بيهتم انه يجددهاّ.

دا غير طبعا الجشع اللي بعض السواقين فيه تلاقي  المشروع مليان وخلاص ..وهو عاوز يركب اسكندرية كلها في المشروع يقولك معلش ياباشا خده جنبك كده ..وتلاقي  الدنيا زحمة  وأنت ماصدقت تركب تلاقيه بيعملك زحمة تانية علشان ياخد أجرة زيادة .

ويا سلام بقى لما تركب مشروع وتلاقي  السواق مشغل التسجيل على الآخر على مهرجان هو اصلا مش فاهم أي حاجة من اللي بتتقال فيه  ومع ذلك عمال يهز في راسه وبيبرطم في حاجات مش عارف   هو بيقول آيه .

ولو ربنا كرمك بقى وقررت تركب تاكسي ..ممكن تدفع نص فلوسك في مشوار مايخدش 10 دقايق ..وتلاقية بيقولك فتحة باب التاكسي ب 6 جنية ولا اكنك بتفتح باب أوضة عمليات.

وطول السكة بقى تلقية بيشتكيلك من العيشة واللي عيشنها علشان لما تنزل تدفع أكثر ويصعب عليك ..ذا غير انة تلقية معاك على العايمة لو مع النظام تلقية بيشكر فية والدنيا حلوة وكويسة..ولو ضد النظام تلقية بيلعن في سلسفيلة  ومش عاحبة حاجة

مفيش احسن من فكرة العدادات اللي في تاكسي القاهرة مبتخليش السواق يأكل ودنك علشان تزود الأجرة.

ولو قررت انك تتخلى عن وجع القلب دا وتجيب عربية مش بتلاقى بنزين تمشي بيه …وهتقف طوابير طويلة علشان تفول…ربنا يرحمنا برحمته.

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s