إزاي  تحمي نفسك من التسمم والنزلات المعوية في الحر

24-11-2014-07-28-52-اليومين دول كلنا بنعاني من درجات الحرارة المرتفعة، فبجانب أنها بتسبب الإرهاق العام، فهي كمان ليها تأثيركبير على الأطعمة اللي بنتناولها، لأن  أرتفاع درجات بتؤدي إلي نمو البكتيريا في الأطعمة، وبالتالي تسبب أمراض في المعدة أو التسمم لدي البعض.

 فأزاي ممكن نحافظ على نفسنا وايه طرق الوقاية من الاصابة ، الدكتورة ولاء عبد الرحمن – دكتور أغذية- طرحت علينا مجموعة من النصايح للوقاية من التسمم في حر الصيف وامراض المعدة.

في البداية تؤكد د. ولاء أننا علينا  الأكثار من تناول البصل و الثوم لأنهم مضادات حيوية قوية بتحمي من الاصابة بالعديد من الأمراض

وتابعت قائلة :” مع الحر الشديد والرطوبة العالية، بتنشط انواع كتير من البكتيريا اللي بتنمو بس في درجات الحرارة الحالية، وهنا لازم نحتفظ بالطعام في الثلاجة و نقلل أو نمتنع عن الاكل “الفاست فود”، وخاصة السندويتشات اللي بتكون مليانة بالدريسنج و اللي طبعا سهل جدا يكون ملئ بالميكروبات .

ونصحتنا الدكتورة بمشروب صحي يساعدنا على التخلص من السموم، ويتشرب الصبح وهو عبارة عن كوب ماء دافئ، ونصف ليمونة، وملعقة عسل نحل، و ده مشروب ديتوكس بينقي الجسم، ومعاه طول اليوم مننساش تناول الفواكه والخضروات الطازجة و ونبعد عن المصنعات .

وأكدت على أهمية النظافة الشخصية و غسل الايدي، واستخدام المنظفات زي “الديتول” مع غسل الخضراوات و الفاكهة، وشرب كمية كبيرة من المياه ويفضل أنها تزيد عن  3 لتر يوميا لتعويض خسارة الجسم للمياه عن طريق العرق، وممكن الغرغرة بالمياه النظيفة من وقت للتاني لقتل البكتيريا بالفم، والوضوء كمان مصدر مهم للنظافة الشخصية .

أما عن شرب المياه بشكل صحي، شددت د. “عبد الرحمن”  على   الاهتمام بأن يكون مصدر المياه نظيف ونقي، و لو في خزان يا ريت يكون في فلتر عشان نضمن نقاء المياه من الشوائب والرواسب .

وأكدت ” لازم نراعي الطرق السليمة عند تذويب الأطعمة المجمدة، بننقلها من الفريزر إلى الثلاجة قبل طبخها بحوالي 24ساعة، وهي دي الطريقة السليمة لتذويب الطعام المجمد، وما نسيبش الطعام المجمد في درجة حرارة الغرفة عشان الذوبان .

واستكملت “نقطع اللحوم والدواجن إلى قطع صغيرة عشان نضمن وصول الحرارة إلى كل أجزاء الطعام قبل طبخها ، لو مش هناكل الوجبة بعد طبخها مباشرة نحفظها  سخنة عند درجة حرارة 64م في حافظات للحرارة أو في الثلاجة على درجة برودة 4م.

وفي نهاية حديثها أكدت على بعض النصائح  قائلة “لو حبينا نجرب طعم الأكلة وندوقها منستعملش ملعقة في التذوق كزا مرات لأن ده بينقل الجراثيم، فضلا عن لو في جرح في الايد لازم نغطيه مقاوم للماء مع تقليم الأظافر، ونبعد عن لمس الفم والأنف واحنا بنجهز الطعام.

نستخدم ألواح للتقطيع منفصلة اللحوم في لوح خاص، والفواكه والخضراوات لوح آخر، عشان نمنع تلويث الأطعمة النيئة اللي هيا اللحوم للخضراوات والفواكة”.

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s