ساﺋﻘو ﺍﻟﺘﺎﻛﺴﻲ ﻳﺮﺩﻭﻥﻋﻠﻰ ﺣﻤﻠﺔ ﺍﻟﻤﻘﺎﻃﻌﺔ : ﺍﻟﻌﺪﺍﺩ ﺑﻴﻈﻠﻢ ﺣﻘﻨﺎ ﻭﻻﺯﻡ ﻧﻈﺎﻣﻪ ﻳﺘﻌﺪﻝ

image

في  ﺃﻭﻝ ﺭﺩ ﻓﻌﻞ ﻟﺴﺎﺋﻘﻲ ﺍﻟﺘﺎﻛﺴﻲ ﺑﺎﻹﺳﻜﻨﺪﺭﻳﺔ على ﺣﻤﻠﺔ ﻣﻘﺎﻃﻌﺔ ﺭﻛﻮﺏ ﺳﻴﺎﺭﺍﺕ ﺍﻷﺟﺮﺓ ﺑﺨﻼﻑ ﺍﻟﺘﻲ ﺑﻬﺎ ﻋﺪﺍﺩ، ﺍﻟﺘﻲ ﺃﻧﻄﻠﻘﺖ ﺍﻟﻴﻮﻡ ﺍﻟﺜﻼﺛﺎﺀ، ﺃﻛﺪﻭﺍ ﺃﻥ ﺍﻟﺘﺎﻛﺴﻲ ﺍﻟﺬﻱ ﻳﺴﻴﺮ ﺑﺎﻟﻌﺪﺍﺩ ﻇﺎﻟﻢ ﻟﺤﻘﻮﻗﻬﻢ، ﻓﻀﻼ ﻋﻦ ﺃﻥ ﺃﺟﺮﺗﻪ ﻻ ﺗﺘﻨﺎﺳﺐ ﻣﻊ ﺍﻟﻤﺴﺎﻓﺎﺕ ﺍﻟﺘﻲ ﻳﻘﻄﻌﻮﻧﻬﺎ .
ﻭﻃﺎﻟﺐ ﻋﺪﺩ ﻣﻦ ﺍﻟﺴﺎﺋﻘﻴﻦ ﺑﺎﻟﺒﺤﺚ ﻋﻦ ﺃﺻﻞ ﺍﻟﻤﺸﻜﻠﺔ ﻭﻋﻼﺟﻬﺎ ﺃﻭﻻ ﻗﺒﻞ ﺍﻟﻤﻘﺎﻃﻌﺔ ﻏﻴﺮ ﺍﻟﻤﺠﺪﻳﺔ، ﻣﺘﺴﺎﺋﻠﻴﻦ ﻟﻤﺎﺫﺍ
ﻳﺘﻢ ﺍﻟﻨﻈﺮ ﺇﻟﻰ ﺍﻟﻤﺸﻜﻠﺔ ﻣﻦ ﺟﺎﻧﺐ ﻭﺍﺣﺪ، ﻭﻳﺘﻢ ﺗﺠﺎﻫﻞ ﺍﻷﺯﻣﺎﺕ ﺍﻟﺘﻰ ﻳﻌﺎﻧﻲ ﻣﻨﻬﺎ ﺍﻟﺴﺎﺋﻘﻴﻦ .

ﻛﻤﺎ ﻗﺎﻝ ﻣﺤﻤﺪ اﻟﺸﺎﻓﻌﻲ، ﺳﺎﺋﻖ ﺗﺎﻛﺴﻲ، “ﺍﻟﻠﻰ ﻋﺎﻭﺯ ﻳﻘﺎﻃﻊ ﻳﻘﺎﻃﻊ ﻣﺘﺮﻛﺒﻮﺵ ﺗﺎﻛﺴﻰ ﺗﺎﻧﻰ ﺑﺘﺤﺴﺴﻮﻧﻰ ﺇﻧﻰ ﺭﺯﻗﻰ ﻋﻠﻰ ﺍﻟﻨﺎﺱ ﻻ اﻧﺎ ﺭﺯﻗﻰ ﻋﻠﻰ ﺍﻟﻠﻪ ،ﺑﺲ ﻓﻰ ﺣﺎﺟﻪ ﻋﺎﻭﺯ ﺍﻗﻮﻟﻬﺎ ﻣﺘﺴﺒﺶ ﺍﻟﺤﻤﺎﺭ ﻭﺗﻤﺴﻚ ﻓﻰ ﺫﻳﻠﻪ ﺷﻮﻑ ﺍﺻﻞ ﺍﻟﻤﺸﻜﻠﻪ ﻓﻴﻦ
ﻭﺍﺑﺪﺍ ﻋﺎﻟﺠﻬﺎ” .

ﻭﻛﺘﺐ ﻣﺤﻤﺪ ﻋﺒﺪ ﺍﻟﻠﻪ، ﺳﺎﺋﻖ، ﻗﺎﺋﻼ “: ﺍﻟﺤﻤﺪ ﻟﻠﻪ ﺍﻟﻨﺎﺱ ﺍﻟﻠﻲ ﺑﺘﻔﻬﻢ ﻃﻠﻌﺖ ﺍﻛﺘﺮ ﻭ ﺍﻟﻨﺎﺱ ﺑﺘﺮﻛﺐ ﺍﻟﺘﺎﻛﺲ ﻋﺎﺩﻱ ﺯﻱ ﻛﻞ ﻳﻮﻡ ﺑﺎﻟﻌﻜﺲ ﺍﻧﺎ ﺣﺎﺳﺲ ﺍﻥ ﺍﻟﺸﻐﻞ ﺃﻛﺜﺮ ﻣﻦ ﺍﻣﺒﺎﺭﺡ .”

ﻣﺸﺎﻛﻞ ﺍﻟﺴﺎﺋﻘﻴﻦ

ﻭﺃﺳﺘﻌﺮﺽ ﺃﺣﻤﺪ ﻣﺤﻤﻮﺩ، ﺳﺎﺋﻖ ﺗﺎﻛﺴﻲ، ﻣﺸﺎﻛﻞ ﺍﻟﺴﺎﺋﻘﻴﻦ ﺍﻟﺤﻘﻴﻘﻴﺔ، ﺍﻟﺘﻲ ﻳﻌﺎﻧﻮﻥ ﻣﻨﻬﺎ ﻳﻮﻣﻴﺎ، ﻭﻟﻴﺴﺖ ﻓﻘﻂ ﻓﻲ ﺍﻷﺟﺮﺓ، ﻭﻛﺎﻥ
ﻋﻠﻰ ﺭﺃﺳﻬﺎ ﻋﺪﻡ ﺍﻧﺼﺎﻑ ﻋﺪﺍﺩﺍﺕ ﺍﻟﺘﺎﻛﺴﻲ ﻓﻘﺎﻝ: ” ﺑﺼﻮﺍ ﺑﻘﺎ ﺍﻧﺎ ﺳﻮﺍﻕ ﺗﺎﻛﺴﻲ، ﺷﺎﻳﻔﻴﻦ ﺍﻟﺪﻧﻴﺎ ﺍﻧﺘﻢ ﺑﺲ ﻣﻦ
ﻧﺤﻴﺘﻜﻮﺍ ﺑﺲ، ﻃﺐ ﻟﻴﻪ ﻣﺶ ﺷﺎﻳﻔﻨﻬﺎ ﻣﻦ ﻧﺎﺣﻴﻪ ﺳﻮﺍﻕ ﺍﻟﺘﺎﻛﺴﻲ، ﻧﺪﺭﺱ ﺍﻟﺠﺎﻧﺐ ﺍﻟﺴﻠﺒﻲ ﺍﻻﻭﻝ، ﻓﻲ ﺳﻮﺍﻗﻴﻦ ﻣﺶ
ﻣﺤﺘﺮﻣﻴﻦ ﻃﺒﻴﻌﻲ ﺩﻩ ﻓﻲ ﺍﻱ ﻣﺠﺎﻝ، ﻃﺐ ﺍﻳﻪ ﺍﻟﻌﻤﻞ، ﺍﻟﻌﻤﻞ ﻫﻮ ﻭﺟﻮﺩ ﻋﺪﺍﺩ، ﺍﻟﺤﻜﻮﻣﻪ ﻋﻤﻠﺖ ﻋﺪﺍﺩ، ﺑﺎﻟﻠﻪ ﻋﻠﻴﻚ
ﺩﻩ ﻋﺪﺍﺩ ﻣﻨﺼﻒ، ﺍﻟﺤﺴﺎﺑﺎﺕ ﻣﺶ ﺑﺎﻟﺒﻨﺰﺑﻦ ﺑﺲ ﻋﻠﻲ ﻓﻜﺮﻩ ﺧﺪ ﻋﻨﺪﻙ، ﺣﺮﻕ ﺑﻨﺰﻳﻦ، ﺣﺮﻕ ﺯﻳﺖ، ﺯﺣﻤﺔ، ﻃﺮﻕ
ﻣﺘﻜﻌﺒﻠﺔ، ﻣﻔﻴﺶ ﺃﻱ ﺧﺪﻣﺎﺕ، ﺍﺭﺗﻔﺎﻉ ﻓﻲ ﺍﻟﻀﺮﻳﺒﺔ ﺍﻟﺴﻨﻮﻳﺔ .”

ﻭﺗﺎﺑﻊ ﻗﺎﺋﻼ “: ﺍﻟﻌﺪﺍﺩ ﺑﻴﻔﺘﺢ ﺏ 2 ﺟﻨﻴﻪ، ﻳﻌﻨﻲ مﻤﻜﻦ ﺍﻭﺻﻠﻚ ﻣﺜﻼ ﻣﻦ ﺍﻟﻤﺠﻤﻊ ﺍﻟﻜﻠﻴﺎﺕ ﺍﻟﻲ ﺳﺎﻥ ﺍﻟﺴﺎﻋﻪ 2ﻇﻬﺮﺍ ﻓﻲ ﻋﺰ ﺍﻟﺰﺣﻤﻪ ﺑﺘﻜﻠﻔﻪ 8 ﺟﻨﻴﻪ ﺩﻩ ﻳﺮﺿﻲ ﺭﺑﻨﺎ، ﻳﻌﻨﻲ ﺍﻭﺻﻠﻚ ﻣﻦ ﺍﻟﻤﺠﻤﻊ ﺍﻟﻲ ﺍﻟﻌﺼﺎﻓﺮﻩ ﺑﺘﻜﻠﻔﻪ 15 ﺟﻨﻴﻪ ﺩﻩ ﻳﺮﺿﻲ ﺭﺑﻨﺎ، ﻧﺎﻫﻴﻚ ﻋﻦ ﻗﺮﻑ ﺍﻟﺴﻜﻪ، ﻋﺪﻡ ﺍﻟﻤﻬﻨﻴﺔ، ﻣﻴﻜﺎﻧﻴﻜﺎ، ﻏﻠﻮ ﺍﻟﺤﻴﺎﻩ، ﻛﻞ ﺩﻩ ﻭﻣﺶ ﻣﻄﻠﻮﺏ ﻣﻨﻚ ﻏﻴﺮ ﺍﻧﻚ ﺗﻤﺸﻲ ﺑﺎﻟﻌﺪﺍﺩ ﻃﺐ ﺍﺯﺍﻱ ؟ .” ﻣﺸﻜﻠﺔ ﺍﻟﻌﺪﺍﺩ ﻛﺎﻧﺖ
ﻟﺪﻯ ﺳﺎﺋﻘﻴﻦ ﺃﺧﺮﻳﻦ”.

ﻛﻤﺎ ﻛﺘﺐ ﻫﻴﻤﺎ ﺍﻟﺪﺭﻳﻨﻲ ﻗﺎﺋﻼ “: ﺑﺼﻮﺍ ﻟﻠﻤﻮﺿﻮﻉ ﻣﻦ ﻧﺎﺣﻴﺔ ﺍﻟﺴﻮﺍﻕ ﻭﻣﻦ ﻧﺎﺣﻴﺔ ﺍﻟﺮﺍﻛﺐ ﺃﻧﺎ
ﺃﻣﺒﺎﺭﺡ ﺭﻛﺒﻴﺖ ﺯﺑﻮﻥ ﻣﻦ ﺟﻠﻴﻢ ﻟﻠﺪﺍﻭﻥ ﺗﺎﻭﻥ ﺍﻟﻌﺪﺍﺩ ﻋﻤﻞ 11.5 ، ﻓﻲ 50 ﺩﻗﻴﻘﺔ ﺣﺮﺍﻡ، ﺧﻠﻲ ﺍﻟﻤﺨﺎﻓﻈﺔ ﺗﻀﺒﻂ
ﺍﻟﻌﺪﺍﺩ ﻋﻠﻰ ﺍﻟﻤﺴﺘﻮﻳﻴﻦ .

أﻳﻤﻦ ﻫﺎﺷﻢ ﻛﺘﺐ ﻗﺎﺋﻼ “: ﺍﻟﻨﺎﺱ ﻛﻠﻬﺎ ﺑﺘﺘﻜﻠﻢ ﺣﺪ ﻧﺰﻝ ﻭﺷﺎﻑ ﻣﻄﺎﻟﺐ ﺍﻟﺴﻮﺍﻗﻴﻦ . ﻛﻠﻪ
ﺑﻴﺘﻜﻠﻢ ﻋﻠﻲ ﺍﻟﻌﺪﺍﺩ ﻭﺗﺸﻐﻴﻞ ﺍﻟﻌﺪﺍﺩ ﻣﻌﻨﺪﻳﺶ ﻣﺸﻜﻠﻪ ﺍﺩﻳﻨﻲ ﺣﻘﻲ ﻭﺧﺪ ﺣﻘﻚ، ﻣﺘﺠﻴﺶ ﺗﻘﻮﻟﻲ ﻓﺘﺤﻪ ﺍﻟﻌﺪﺍﺩ 2
ﺟﻨﻴﻪ، ﻻﺯﻡ ﺍﻻﻣﻮﺭ ﺗﺘﺤﺴﺐ ﺑﺎﻟﻌﻘﻞ .”

ﻭﺗﺎﺑﻊ “: ﻭﻟﻴﻪ ﻛﻠﻪ ﺑﻴﺤﺴﺐ ﺑﻨﺎﺧﺪ ﺍﻳﻪ ﻣﺶ ﺑﻨﺒﺺ ﻃﻠﺒﺘﻨﺎ ﺍﻳﻪ، ﻣﺎ ﺑﻴﻦ
ﻣﺨﺎﻟﻔﺎﺕ ﻭﺗﺼﻠﻴﺢ ﻭﺣﻮﺍﺩﺙ ﻭﻧﻘﺎﺑﻪ ﻭﻣﺆﺳﺴﺔ، ﻳﺎ ﺭﻳﺖ ﺍﻟﻠﻲ ﻳﺘﻜﻠﻢ ﻳﻜﻮﻥ ﻓﺎﻫﻢ ﺑﻴﻘﻮﻝ ﺍﻳﻪ ﻭﻣﻴﺠﻤﻌﺶ ﺍﻟﺴﻮﺍﻗﻴﻦ
ﻓﻲ ﻛﻼﻡ ﻭﺍﺣﺪ، ﻛﻞ ﻣﻬﻨﻪ ﻓﻴﻬﺎ ﺍﻟﻜﻮﻳﺲ ﻭﺍﻟﻮﺣﺶ، ﻭﻓﻲ ﺍﻻﻭﻝ ﻭﺍﻻﺧﺮ ﺍﻟﺴﻮﺍﻕ ﺩﻩ ﺍﺑﻦ ﻧﺎﺱ ﺯﻳﻪ ﺯﻱ ﺍﺟﺪﻋﻬﺎ ﻭﺍﺣﺪ
ﻓﻲ ﺍﻟﺒﻠﺪ .”

ﺗﻌﺎﻃﻒ ﺟﻤﺎﻫﻴﺮﻱ ﻣﻊ ﻣﺸﺎﻛﻞ ﺍﻟﺴﺎﺋﻘﻴﻦ ﻭﺗﻌﺎﻃﻒ ﻗﻄﺎﻉ ﻛﺒﻴﺮ ﻣﻦ ﺍﻟﻤﻮﺍﻃﻨﻴﻦ، ﻣﻊ ﺳﺎﺋﻘﻲ ﺍﻟﺘﺎﻛﺴﻲ
ﺑﺎﻋﺘﺒﺎﺭ ﺃﻧﻬﻢ ﻣﻮﺍﻃﻨﻴﻦ ﻟﺪﻳﻬﻢ ﺃﺳﺮ ﻭﻋﺎﺋﻼﺕ، ﻣﺴﺆﻭﻟﻴﻦ ﻣﻨﻬﺎ ﻭﻋﻠﻴﻬﻢ ﺗﻮﻓﻴﺮ ﺍﺣﺘﻴﺎﺟﺎﺗﻬﻢ، ﻭﺃﻧﻪ ﻣﺼﺪﺭ ﺭﺯﻕ ﻭ “ﻟﻘﻤﺔ
ﻋﻴﺶ ” ﻟﻬﻢ ﻻ ﺩﺍﻋﻲ ﻟﻤﺤﺎﺭﺑﺘﻬﺎ، ﻭﺃﻥ ﺍﻷﻭﻟﻰ ﻫﻮ ﺍﻟﺘﻮﺣﺪ ﻓﻲ ﻗﻀﺎﻳﺎ ﺃﻫﻢ ﻭﺃﻛﺜﺮ ﺿﺮﻭﺭﺓ ﻣﻦ ﺣﻤﻼﺕ ﺍﻟﻤﻘﺎﻃﻌﺔ .
ﻓﻘﺎﻟﺖ ﺭﺿﻮﻯ ﻛﺎﻣﻞ “: ﻭﺍﻟﻠﻪ ﺍﻟﺴﻮﺍﻗﻴﻦ ﻏﻼﺑﺔ ﺍﻧﺘﻮﺍ ﻛﺪﺓ ﻫﺘﺤﺮﻣﻮﺍ ﺍﻃﻔﺎﻝ ﻭﺍﻣﻬﺎﺕ ﻣﻦ ﺍﻟﻠﻘﻤﺔ ﺍﻟﻨﻈﻴﻔﺔ ﻻﻥ ﺭﺯﻕ
ﺍﻟﺴﻮﺍﻕ ﻫﻴﺘﻘﻄﻊ ﻭﻣﺶ ﻫﻴﻌﺮﻑ ﻳﺎﻛﻞ ﺍﻫﻞ ﺑﻴﺘﻪ ﻳﺎﺭﻳﺖ ﻧﺘﺤﻀﺮ ﺑﻘﻲ ﻭﻧﺒﺺ ﻋﻠﻲ ﺍﻟﺤﺎﺟﺎﺕ ﺍﻻﺟﺒﺎﺭﻳﺔ ﻋﻠﻴﻨﺎ ﻑ ﺍﻝ
ﺑﻠﺪ ﻣﺶ ﻧﻤﺴﻚ ﻓﺎﻟﻬﺎﻳﻔﺔ ﻭﻧﺘﺼﺪﺭ .”

وكتب أحمد خالد ﻗﺎﺋﻼ “: ﺫﻧﺒﻬﻢ ﺍﻳﻪ ﺳﻮﻗﻴﻴﻦ ﺍﻟﺘﺎﻛﺴﻰ ﻋﺸﺎﻥ ﺗﻌﻤﻞ ﻣﻘﺎﻃﻌﺔ عليهم  ﻳﺎ ﺍﺳﻜﻨﺪﺭﺍﻧﻰ ﻳﺎ ﺍﺻﻴﻞ ﻭﺍﻧﺘﺎ ﻋﺎﺭﻑ ﺍﻥ ﻫﻤﺎ ﺑﻴﻄﻠﻌﻮ ﺍﻟﻴﻮﻡ ﺑﻴﻮﻣﻮ ﻳﻌﻨﻰ ﻣﺶ ﺷﻐﻠﻴﻴﻦ ﺑﻤﺮﺗﺐ .

” ﻭﻗﺎﻝﻣﺤﻤﻮﺩ ﺍﻟﻤﻐﺮﺑﻲ “: ﻳﻌﻨﻰ ﺑﺎﻧﺎﺱ ﻳﺎﻣﺤﺘﺮﻣﻪ ﺍﺣﻨﺎ ﺳﺒﻨﺎ ﻛﻞ ﺍﻟﺤﺎﺟﺎﺕ ﺍﻟﻐﺎﻟﻴﺔ ﺍﻟﻠﻰ ﻓﻲ ﺍﻟﺒﻠﺪ ﻭ ﻣﺴﻜﻨﺎ ﻓﻰ ﺍﻟﺘﺎﻛﺴﻲ
ﻃﻴﺐ ﺣﺪ ﻳﻘﻮﻟﻰ ﺍﻟﺘﺎﻛﺲ ﻓﺎﻟﻘﺎﻫﺮﻩ ﺷﻐﺎﻝ ﺍﺯﺍﻯ ﻭﺑﻌﺪﻳﻦ ﺭﻛﻮﺏ ﺍﻟﺘﺎﻛﺴﻲ ﺍﺧﺘﻴﺎﺭﻱ ﻣﺶ ﺍﺟﺒﺎﺭﻱ ﺍﻧﺖ ﺑﺘﺮﻛﺐ
ﺑﻤﺰﺍﺟﻚ ﻭﻻ ﺍﻟﺴﻮﺍﻕ ﺑﻴﻨﺰﻝ ﻳﺠﻴﺒﻚ ﻣﻦ ﺍﻳﺪﻙ ﻭﻳﺮﻛﺒﻚ ﺑﺎﻟﻌﺎﻓﻴﻪ ﻳﺎﺭﻳﻴﺖ ﻳﺎﺟﻤﺎﻋﻪ ﻧﺪﻭﺭ ﻋﻠﻰ ﺣﺎﺟﻪ ﻣﻬﻤﻪ ﻧﺘﻜﻠﻢ
ﻓﻴﻬﺎ “.

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s