غضب بين طلاب علوم الإسكندرية لفصل زميلتهم بسبب منشور على “الفيس بوك” طلاب علوم الإسكندرية للعميد..الجامعة ليست جهة أختصاص لمعاقبة زميلتهم

سادت حالة من الغضب الشديد بين طلاب كلية العلوم بجامعة الاسكندرية بسبب القرار الذي أصدره الدكتور محمد إسماعيل عبده عميد الكلية، بفصل الطالبة أميرة محمود نايل، بالفرقة الرابعة، بدعوى سب وقذف زميلتها ولاء  خلال منشور لها على صفحتها على موقع التواصل الإجتماعي”فيس بوك”.

وأكد الطلاب أن الجامعة ليست جهة أختصاص لمعاقبة زميلتهم، وأنها تعرضت للظلم “محاباة” لزميلتها التي يبدو أن لها “ظهرا” بالجامعة، كما قال الطلاب، وأن من حقها رفع قضية على إدارة الجامعة لاسترداد حقها .

بدورها أكدت الطالبة أميرة محمود، التي صدر القرار بفصلها أنها تعرضت للظلم، وأن حسابها على “الفيس بوك” تعرض للسرقة قائلة “انا مظلومة والاكونت فعلا مسروق وفوضت امرى لله وان شاء الله ربنا حيجيب لى حقى” .

 

وتضامنا مع أزمتها، دعي زملاء أميرة لرفع قضية على أدارة الجامعة لاسترداد حقها، واثبات أن المنشور لا علاقة لها به .

فقالت ريم السيد الشامي ” يا بنتي ازاي اصلا تاخدي فصل في حاجة حاصلة بره الكلية و علي النت كمان؟، ارفعي قضية علي اللي بيحصل دا “.

محمد جمال أيضا كتب قائلا:” اعملي محضر اثبات حالة وقدمي تظلم عالقرار ارفعي قضية، اي محامي هيجبلك حقك “.

“صيحة الحق” رأت أن الطالبة أميرة، تعرضت للظلم فقالت “الطالبة ديه بجد مظلومة كانت كاتبة يوم 20 سبتمبر ان الاكونت القديم بتاعها مسروق وكله يعمل بلوك لها انتوا ازاى بتتصرفوا كده بجد حرام عليكم تتفصل ظلم “.

 

“ليس من اختصاص الكلية”

” الكلية ليست من اختصاصها اصدار هذا القرار فهي لسيت جهة تحقيق”،  كما قال أشرف بشير ” هو انتو جهة تحقيق وقضاء وتنفيذ احكام في نفس الوقت ؟ وانتم مالكم اصلا باللي بيحصل برة الكلية؟ برة الكلية يبقي اللي اتشتمت ترفع قضية سب وقذف، مستبعدش انها بنت حد من اللي واكلين الكلية وناهبينها او علي اقل تقدير معرفة لحد مهم”.
 

ووافقة الرأي حسن أبو علي قائلا “المفروض الكلية مش مسئولة غير عن سلوكيات الافراد داخل الحرم الجامعى و فقط، لكن بره الجامعه المفروض الكلية ملهاش سلطة لانها مش قسم بوليس، دى مؤسسة اكاديمية “.

 

“مين بقى ولاء؟ أكيد لها “ظهر” بالكلية”

بينما رأي فريق آخر أن الطالبة ولاء لها “ظهر ” بالكلية، و تنتمي إلى عائلة مهمة، وذات مركز سيادي في الدولة، لذا وقع الظلم على زميلتها “أميرة” دون وجه حق محاباة لها .

فقال الطالب محمد رياض ” السؤال اللي لازم يتسأل : مين بقى ولاء دي وتقرب لمين في الكلية ؟
ما هو يا إما كده يا إما أميرة واضح انها مضايقاهم في الكلية وبتعترض كتير وليها نشاط طلابي وصوت فقالو يلبسوها أي حاجة عشان يفصلوها “.

وقال أيضا محمد مالك: “واضح أن ولاء صبحي معاها واسطة جامدة “.

“الكلية تجاهلت جميع الكوارث وتفرغت “للفيسبوك”

هكذا تهكم فريق أخر من تجاهل ادارة الجامعة للمشاكل الطلابية الجمة، وفساد بعض الأساتذة، وتفرغت لمنشورات “الفيسبوك” !! .

فقالت “في كي”:” كلية العلوم سابت مبنى طريق الحرية اللى بيقع على الطلبة، والدكاترة اللى بيعملو درجات على الانتخابات و متسجلهم، و الدكاترة اللى بيتحرشوا بالطلبة زي رشاد، واللى بيسقطوا الطلبة اللى مبيشتروش الكتب، ساب كل ده و قاعد على الفيس يشوف مين الطلبة اللى شتمت صاحبتها-“.
وتابعت قائلة” عميد كلية العلوم كل اللى بيعملوه عزومات و حفلات عشان يظهر اد ايه ادارة الكلية بتعمل فى انسجام و حب و ود “.

 

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s